Adele ka befasuar 65,000 fansa e saj, teksa ka ndërprerë koncertin e saj në BST Festival që zhvillohet në “Hyde Park” të Londrës, për të lajmëruar sigurimin se një prej të pranishmëve në mesin e turmës kishte nevojë për ndihmë.

Në pamjet e filmuara nga një pjesëtar i audiencës, këngëtarja 34-vjeçare po këndonte këngën e saj të parë të albumit Skyfall-it, kur vuri re midis turmës se një prej fansave nuk ishte në gjendje të mirë.

Ajo menjëherë ndaloi së kënduari dhe thirri sigurimin për të ndihmuar fansin e saj, duke i kërkuar edhe të turmës që të lironin vendin për t’i hapur rrugë ekipit mjekësor.

“Stop, stop, stop, sigurimi?”, dëgjohet të thotë Adele, duke bërtitur më pas nga skena: “A ke nevojë për ndihmën e sigurisë? Ata po vijnë”.

Duke u përpjekur të drejtonte ekipin mjekësor te personi në nevojë, Adele shtoi: “Pikërisht aty në mes, a mund të shihni se ku po bëjnë të gjithë me dorë?”.

Këngëtarja, e cila kishte veshur një fustan elegant të zi me jakë të hapur, nuk i mbajti lotët teksa iu drejtua audiencës dhe u tha atyre se janë “mbretërit”, teksa performoi këngën e saj të parë pas disa kohësh mungesë në skenë.