Pak më shumë se një muaj pas zhdukjes së Samanit, babai i saj ka pranuar krimin gjatë një telefonate me një të afërm në Itali.

“Unë vrava vajzën time,” tha Shabbar Abbas më 8 qershor 2021, kur ai kishte ikur në Pakistan.

Biseda është regjistruar në procesin e gjyqit që do të nisë në shkurt ndaj familjes së tetëmbëdhjetë vjeçares të zhdukur natën e 30 prillit 2021 nga Novellara dhe se hetuesit dhe Karabinierët e Reggio Emilia janë të sigurt që ajo u vra, sepse nuk pranoi të martohej me një kushëri në shtëpi dhe donte të largohej nga shtëpia.

Më 10 shkurt 2023, tre anëtarët e familjes së Saman të arrestuar jashtë vendit, Francë dhe Spanjë, muajt e fundit do të dalin në gjyq në Reggio Emilia. Xhaxhai i saj Danish Hasnain, dy kushërinjtë Ikram Ijaz dhe Nomanhulaq Nomanhulaq, përveç prindërve Shabbar Abbas dhe Nazia Shaheen, të cilët janë ende të arratisur në Pakistan.

“Për mua dinjiteti i të tjerëve nuk është më i rëndësishëm se i imi (…) – i tha Shabbar të afërmit të tij në telefonatën e përgjuar – Unë e lashë djalin tim në Itali (vëllain e mitur të Samanit tashmë i besuar në një komunitet të mbrojtur, ed). Vrava vajzën time dhe erdha, s’ja bëj të keqen askujt.” I njëjti anëtar i familjes, i dëgjuar nga karabinierët më 25 qershor të atij viti, raportoi se babai i Samanit e kishte telefonuar për t’i thënë të mos fliste për të.

“Tashmë jam i rrënuar -janë fjalët e Abasit në rrëfimin e të afërmit – nuk do ta lë vetëm familjen”. “Kam vdekur tashmë, e vrava, e vrava për dinjitetin dhe nderin tim. E vramë”, pa dhënë emra konkretë, por me kuptimin “ne”, shpjegoi hetuesi.

(Ansa/BalkanWeb)