Inter-Barcelona vijon të luhet, këtë herë në faqet e para të mediave sportive. La Gazzetta dello Sport, gazeta më e madhe sportive italiane, hapet me titullin:
“Zemra e Inter”. Goli i Calhanoglu dhe një mbrojtje e hekur. E shijon edhe Inzaghi, shkruan ndër të tjera La Gazzetta.
Corriere dello Sport i ka kushtuar faqen e parë fitores se dy ekipeve italiane, Napoli dhe Inter: I”nter rezulton i madh”, shkruan Corriere në faqen e parë.
“Inter, magji për Inzaghi”, ishte titulli i përzgjedhur nga Tuttosport.
Në Spanjë nuk është pritur mirë humbja që Barcelona pësoi në transfertë përballë Inter: “Ndërlikohet Champions”, është titulli i Sport në faqen e parë. Barcelona humbet në Milano dhe tashmë detyrohet të mposht Inter në ‘Camp Nou’, shton ndër të tjera e përditshmja sportive pranë klubit blaugrana.
“Duart lart” është titulli i Mundo Deportivo, duke shtuar se VAR ishte protagonisti kryesor duke mos akorduar një penallti neto në favor të Barcelonës pas prekjes së topit më dorë nga Dumfreis.
(BalkanWeb)
