Nga: ENEIDA CAKERRI

3 patate mesatare
1 e verdhë veze
2 filxhanë kafe miell
Pak kripë
100 gr gjizë pa kripë
1 lugë salcë tartufi

Ziejmë patatet dhe më pas i shtypim deri sa të bëhen pure. I vendosim mbi banakun e kuzhinës dhe hedhim kripë, të verdhën e vezës dhe miellin. Formojmë brumin i cili del i butë dhe vazhdimisht duhet të kemi pak miell afër që të mos na ngjitet në duar. E ndajmë në pjesë dhe më pas formojmë shirita cilindrikë të cilët i presim me thikë në copëza. Bëjmë bashkë gjizën pa kripë me salcën e tartufit. I hapim copëzat e njokit dhe në mes vendosim pak gjizë. E mbyllim dhe kështu veprojmë për të gjitha. Në ujin që zien shtojmë njokit dhe sapo të ngrihen në sipërfaqe i heqim dhe i kalojmë në tigan me gjalpë dhe sherebelë.