Aktorja Adriana Tolka, e cila këndoi dje një këngë vaji në protestën e opozitës në bulevardin Dëshmorët e Kombit deklaroi se një nga problemet e shqiptarëve është mosreagimi.

Tolka u shpreh se të gjithë duan të ikin nga ky ferr, një orë e më parë, teksa ka shtuar se këta që jetojnë në Shqipëri mund të jenë veç patronazhistët që mendojnë se socialistët janë rilindas.

“Nisur si qytetare, për të vajtuar është status-quoja në masë të madhe. Mos reagimi, kjo është. Fakti që duan të ikin nga ferri këtu, një orë e më parë. Duan të ikin dhe nuk duan të reagojnë, pasi nuk kanë në plan për të jetuar më këtu. Ose janë patronazhistët që mendojnë se socialistët janë rilindas. Planet djallëzorë i falen parave e jo flamurit. Ata që na quajnë në të pa fe dhe pa atdhe janë ata që i shtyjnë njerëzit që me demek janë shërbëtor, janë ata që më një sjellje arrogante i përbuzin, me në krye kryeministrin Edi Rama”, u shpreh Tolka.

(BalkanWeb)