“Një finale për yllin e tretë”, ky titull i ‘Le Figaro’ është mishërimi më i qartë i super sfidës Argjentinë-Francë, dy “bigët” e futbollit botëror përplasen ndërmjet tyre në një betejë finale, në kërkim të titullit të tretë kampion bote.
“Historia e tyre”, shkruan L’Equipe në faqen e parë, titull shoqëruar me foton e Mbappe në krahë të Giroud, identike me atë të Pele, pasi Franca do të behej skuadra e dytë në Botë që arrin të mbrojë titullin kampion, ashtu siç bëri Brazili i Pele, gjithnjë nëse arrijnë të mposhtin Argjentinën.
Situata nuk ka qenë shumë e qetë në kampin francez në vigjilje të finales së madhe, kjo për shkak të një virusi që ka pushtuar kampin stërvitor, lojtarë si Coman, Konate dhe Varane, nuk janë stërvitur për shkak të një gjendje gripale, për të njëjtat simptoma humbi sfidën gjysmëfinale Raboit dhe Upamecano:
“Virusi i gamileve godet Botërorin. Alarm maksimal në kampin francez”, shkruan Marca në faqen e parë. Edhe mediat angleze janë ndalur tek ky detaj:
“Kriza e virusit në Francë”, shkruan Express në faqen e parë. Një titull shumë i gjetur ishte ai i Daily Mail: “Messi magjik kundër Mbappe meteorik”. “Sytë të çmimi”, shkruan Mirror, titull shoqëruar me dy personazhet kryesorë të kësaj finaleje, Messi-Mbappe.
(BalkanWeb)
