Një tjetër lajm i trishtë për botën e futbollit. Është ndarë nga jeta në moshën 40-vjeçare Modeste M’Bami, ish-futbollisti i Kamerunit, i cili në karrierën e tij kishte veshur fanellat e Olympique de Marseille dhe Paris Saint-Germain-it para se ta mbyllte karrierën e tij në Le Havre.
Ka qenë menaxheri Franck Belhassen ai që ka bërë të ditur lajmin në rrjetet sociale në mbrëmje dhe sipas të gjitha raportimeve të mediave franceze, ish-lojtari ka ndërruar jetë nga një atak në zemër.
Ai u bë i njohur, siç u theksua, në Ligue 1 në fillim të viteve 2000, por përpara se të kthehej në Francë për t’i dhënë fund karrierës së tij futbollistike, ai luajti gjithashtu në Spanjë, Kinë, Arabinë Saudite dhe Kolumbi.
Ai u rrit te Sedan, por me PSG-në, ku luajti midis 2003 dhe 2006, ai u konfirmua përfundimisht si një nga mesfushorët më të mirë mbrojtës në turne dhe fitoi dy Coupe de France (2004 dhe 2006).
Ka një fitore që e pa atë si protagonist më shumë se të tjerët, dhe ajo është medalja e artë me Kamerunin në Olimpiadën 2000 në Sidney: në finale, Luanët e Pazbutshëm fituan me penallti 5-3 ndaj Spanjës, por ka qenë në ndeshjen kundër Brazilit që M’Bami la shenjë me gol. Gjithashtu ai ka qenë shok skuadre me Lorik Canën te Marseille.
(BalkanWeb)