Përfundon pas rreth 21 orësh aventura e frikshme e 43-vjeçarit Andrea Dervishi në kanionet e Holtës në Gramsh.
Burri kishte shkuar si vizitor në zonë për të parë nga afër një prej vendeve turistike të Gramshit, por ka mbetur në shkëmbinjtë e thepisur për disa orë. Prej ditës së djeshme u nis një operacion për shpëtimin e tij, i cili u finalizua mesditën e sotme.
Gazetari Shkëlzen Henkoja raportoi për “BalkanWeb” se pasi është nxjerrë nga kanionet, 43-vjeçari është dërguar në urgjencën e spitalit të Gramshit.
Në operacion për shpëtimin e tij morën pjesë dhe forcat RENEA.