Disfata e rëndë e Interit përballë Empolit ka zënë faqet e para të mediat italiane: “Inter, çfarë flopi. Spalletti qesh më shumë”, shkruan La Gazzetta dello Sport.
“Inter një tmerr. Tani rrezikojnë edhe Champions”, ishte titulli i përzgjedhur nga Corriere.
Nedim Bajrami rikthehet titullar për Empolin, me mesfushorin kuqezi që zhvilloi një paraqitje shumë të mirë për sa kohë ishte në fushë, deri në minutën e 73-të:
“Shërben asistin për golin e fitores të realizuar nga Baldanzi. Kur ka topin në këmbë, të jep ndjesinë se në çdo rast do të jap një zgjidhje pozitive që bën diferencën”, nota 6,5 për Bajramin shkruajnë mediat italiane. Nuk është hera e parë që Bajrami shkëlqen përballë Inter, apo ekipeve të tjera të mëdha në Serie A.
Një paraqitje të mirë zhvilloi dhe Kristjan Asllani, pavarësisht se u hodh në fushë vetëm në minutën e 71-të: “Tregoi personalitet, kjo është e dukshme, por nuk e shpenzoi deri në fund”, nota 5,5 për Asllanin.
(BalkanWeb)
