Rusia pretendon se një dron ukrainas është rrëzuar pranë Kolmnas, pjesë e Moskës.
Guvernatori Andrey Vorobyov bëri të ditur lajmin në Telegram, ku ka shkruar se “Kjo ka ndodhur në afërsi të fshatit Gubastovë, objektivi ka qenë ndoshta objekt i infrastrukturës civile, por nuk është dëmtuar. Nuk ka viktima apo shkatërrime në terren. Asgjë nuk kërcënon sigurinë e banorëve.”
Agjencia shtetërore ruse e lajmeve RIA Novosti postoi një fotografi të dronit, i cili dukej se i ngjante një droni sulmues UJ-22 të prodhimit ukrainas. UJ-22 është i aftë të udhëtojë deri në 800 kilometra (ose rreth 500 milje).
Është e paqartë se ku dhe kur është marrë fotografia e dronit të rrëzuar. Sot, Ministria ruse e Mbrojtjes raportoi se sistemet e luftës elektronike kishin rrëzuar dronët ukrainas që u përpoqën të sulmonin Krasnodarin dhe Adygean fqinjë në Rusinë jugperëndimore.
RIA Novosti gjithashtu raportoi se ushtria ruse rrëzoi një dron ukrainas mbi rajonin Surazh pranë kufirit me Bjellorusinë.
Deri më tani autoritetet ukrainase nuk kanë komentuar për ndonjë sulm me dron në territorin rus.
(BalkanWeb)
