Ministrja Elisa Spiropali i është përgjigjur kritikave të ish-kryeministrit Sali Berisha në Kuvend, lidhur me çështjen e nënës lehonë në Shkodër e cila ishte arrestuar nga policia.
Gjatë fjalës së saj Spiropali tha se nuk ka munguar reagimi nga ana e tyre, ndërsa shtoi se drejtësia e sotme nuk ka lidhje me drejtësisë që ishte në kohën e ish-kryeministrit Berisha.
“Berisha është lodhur aq shuma nga faqja e tij e zezë dhe tani i hedh sytë në “Facebook “ nga faqet tona të bardha. Por duhet t’i kishte parë mirë sepse ne kemi reaguar me të gjithë forcën që na jepet. A është sistemi i drejtësisë perfekt? Jo këtë nuk mund themi, por jemi duke i mbajtur duart larg. Bodigardët e krimit dhe pandëshkuesmërisë ishin prokurorët dhe gjykatësit tuaj. Dhe sa i përket ligjit për rolin e Kuvendit për procesin e integrimit, ju kujtoj se përfaqësuesi i BE sot është në Tiranë. Por ju sa më shumë përçahemi aq më shumë nder na bëtë dhe ju uroj që në 14 maj të jeni të bashkuar”, tha Spiropali.
(BalkanWeb)
