‘Nuk kam parë asnjë provë që Kina të ketë akses në të dhënat e përdoruesve të TikTok’.
Kështu deklaroi CEO i aplikacionit, Shou Zi Chew, duke siguruar se nuk ka pasur asnjëherë asnjë diskutim me zyrtarë të qeverisë kineze në cilësinë e tij si CEO.
“Ne nuk do të ndikohemi nga asnjë qeveri,” shtoi ai, “siguria është prioriteti ynë. Ne nuk u shesim të dhëna ndërmjetësve. Ne jemi të përkushtuar ndaj transparencës.”
Kur filloi puna e Komisionit, Shou Chew u sulmua menjëherë nga deputetët amerikanë. “Platforma duhet të ndalohet,” thotë Cathy McMorris Rodgers, një ligjvënës republikan amerikan, duke theksuar se amerikanët meritojnë të dinë të vërtetën rreth kërcënimit që TikTok paraqet për sigurinë kombëtare dhe sigurinë e tyre personale.
Kina do të kundërshtojë një shitje të detyruar të TikTok. Siç raportohet nga Wall Street Journal, Pekini është me vendosmëri kundër hipotezës së paraqitur nga administrata Biden e cila u kërkon pronarëve kinezë të shesin aksionet e tyre në aplikacion. Mosbërja e kësaj – paralajmëroi administrata – mund të rezultojë në një ndalim mbarëkombëtar të TikTok në Shtetet e Bashkuara. Qëndrimi kinez vjen pikërisht në ditën e dëgjimit të pritur të CEO të TikTok Shou Zi Chew në Kongresin Amerikan.
