Përfaqësuesi ligjor i Partisë Demokratike, Indrit Sefa, përmes një komunikimi të drejtpërdrejtë në studion e emisionit “Open” ka folur në lidhje me shtyrjen e vendimit për VKM-në e konfiskimit të ndërtimeve nga ana e Gjykatës Kushtetuese.

Sefa ka deklaruar se shtyrja e këtij vendimi favorizon vetëm qeverinë dhe personave e subjekteve që preken nga kjo VKM dhe që mund ta shfrytëzojnë këtë të fundit.

Megjithatë, ai u shpreh se  VKM-ja është ndërtuar në mënyrë të tillë që “nuk ka gjyqtar që ta pranojë atë pasi krijon pabarazi ndaj qytetarëve”.

Nga ana tjetër analisti Fatos Lubonja kujtoi rastin e “Hysenbelliu Group” dhe shembjen e “Prestige Resort” pa pasur një vendim gjykate.

Sipas tij në këto raste dëmi bëhet, ndërsa drejtësia vonon dhe kur nuk ka më objekt fizik gjykata tërhiqet nga çështja.