Ministri polak i Mbrojtjes, Mariusz Blaszczak tha se vendi planifikon të forcojë marinën me nëndetëse moderne. “Ne planifikojmë të fillojmë një procedurë për blerjen e nëndetëseve dhe transferimin e teknologjive të nevojshme përpara fundit të këtij viti”, tha Blaszczak në Varshavë.

“Ministria polake e Mbrojtjes do të publikojë së shpejti më shumë detaje rreth numrit të nëndetëseve që do të blihen, dhe llojit të teknologjisë që ato do të pajisen ato”, tha ai. Aktualisht, marina e Polonisë ka një nëndetëse të projektuar nga sovjetikët, e lëshuar në 1985, “Orzel”.

Nëndetësja e vetme kërkoi riparime dhjetë herë midis 2020 dhe 2021, sipas raporteve të mediave polake, dhe aktualisht nuk është në shërbim.

Në një njoftim në vitin 2017 u raportua se qeveria po shqyrtonte mundësinë për të bashkëpunuar me disa prodhues, me kompaninë franceze të mbrojtjes “Naval”, kompaninë spanjolle të mbrojtjes “Navantia”, prodhuesin suedez “Saab Kockums” dhe atë gjermanen “ThyssenKrupp Marine Systems”.

Polonia, një anëtare e BE-së dhe NATO-s, po armatoset masivisht kundër një kërcënimi të mundshëm nga Moska.

Ajo ka një funksion strategjik si një qendër logjistike për mbështetjen ushtarake të Ukrainës.