Zëvendësministri i Infrastrukturës dhe Energjetikës, Ilir Bejtja është shkarkuar nga detyra ditën e sotme.

Mësohet se ky vendim është marrë nga Këshilli i Ministrave dhe ka hyrë në fuqi menjëherë. Bejtja ka shërbyer më parë edhe si deputet i Partisë Socialiste.

VENDIM PËR LIRIM NGA DETYRA

Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave

VENDOSI:

Z. Ilir Bejtja, zëvendësministër i Infrastrukturës dhe Energjisë, lirohet nga kjo detyrë.
Ky vendim hyn në fuqi menjëherë dhe botohet në “Fletoren zyrtare”.

KRYEMINISTRI EDI RAMA

Në mungesë dhe me porosi ZËVENDËSKRYEMINISTRI BELINDA BALLUKU