Një video e bujshme është postuar në Twitter nga llogaria NK News, e cila merret kryesisht me lajmet dhe analizat e Koresë së Veriut.
Klipi kap adhurimin ndaj Kim Jong Un në një event të fundit të mbajtur si pjesë e Konferencës së 5-të Kombëtare të Nënave.
Më 8 dhjetor, udhëheqësi i Koresë së Veriut takoi, sipas agjencisë së lajmeve Yonhap, anëtarë të Shoqatës Koreane të Fëmijëve për t’u fotografuar me ta.
Në pamjet e publikuara nga NK News, Kim Jong Un shihet i rrethuar nga djem dhe vajza që kërcejnë rreth tij, disa me lot emocioni në sy.
VIDEO: North Korean leader Kim Jong Un was warmly received by members of the Korean Children’s Union, who were present at the 5th National Conference of Mothers. pic.twitter.com/cEktObBzga
— NK NEWS (@nknewsorg) December 11, 2023
Kujtohet se, gjatë konferencës për nënat, lideri i Koresë së Veriut bëri thirrje për përpjekje për të përballuar rënien e lindjeve në vend, siç njoftoi sot agjencia shtetërore e lajmeve KCNA.
