Një ngjarje e rëndë ka ndodhur në Rheinland-Pfalz në Gjermani. Gjatë natës, një burrë me hanxhar sulmoi stacionin e policisë në Linz am Rhein.

Shqiptari 29 vjec kërcënoi se do të shkaktonte gjakderdhje mes policëve.

Ngjarja ka ndodhur sot rreth orës 02:40 e mëngjesit në qytetin e Rhine (rrethi Neuëied me 6500 banorë).

Shqiptari që jeton në Linz vrapon drejt komisariatit “Am Konvikt”. Ai hapi derën dhe tundi një hanxhar. Zëdhënësi i policisë Jürgen Fachinger u shpreh: “ai kërcënoi se do të vriste kolegët e tij në komisariat.”

Ajo që njeriu me hanxhar me sa duket nuk e priste ishte se për të arritur tek oficerët e policisë, do t’i duhej të kalonte nga një derë e dytë që vetëm roja mund ta hapë.

Oficeri gjithashtu mundi të kyçë derën e jashtme duke shtypur një buton, duke bllokuar kështu largimin e tij.

Oficerët e policisë përpiqen t’i shpjegojnë burrit përmes telefonit se situata është e pashpresë. Por ai nuk mund të qetësohet.
Më në fund, vjen njësia e operacioneve speciale (SEK) nga Koblenz.

Dy orë pasi sulmuesi hyri, forcat speciale hynë brenda. Zëdhënësi i policisë Fachinger: “Pas përdorimit të një taseri, personi u ndalua dhe u arrestua nga forcat speciale. Ai u plagos lehtë”.

Shqiptari aktualisht ndodhet në paraburgim nga policia. Pas marrjes në pyetje do të vendoset nëse do të aplikohet një urdhër arresti. Hetimet për sfondin dhe motivin vijojnë.