Deputeti Enkelejd Alibeaj nga Djathtas 1912 komentoi arrestimin e kryetarit të Bashkisë së Tiranës, Erion Veliaj.

Alibeaj u shpreh se beson se SPAK ‘strehohet’ vetëm nën ligjin. Ai shtoi se SPAK nuk ka asnjë ndikim politik. Ai deklaroi se nuk e beson idenë ballkanike, sipas së cilës SPAK ka ndikim politik.

Enkelejd Alibeaj:  Arrestimin e Veliajt ia dedikoj prokurorëve dhe gjyqtarëve të SPAK. SPAK nuk do t’ia dijë fare për zhvillimet në Amerikë, që janë tepër larg. Mendësinë ballkanike për të politizuar edhe SPAK, e refuzoj.

Militantët e pushtetit bënë atë që bënë edhe militantët e PD, kur u kapën politikanë të opozitës. Gjyqtarët dhe prokurorët e SPAK po zbatojnë ligjin. SPAK po strehohet nën ligjin, nuk ka ndikim politik. Kjo që ka ndodhur është fryt i pavarësisë të sistemit të drejtësisë. Politika po del gjykatë mbi gjykatë. Kur del dhe sulmon drejtësinë, është shenjë alarmi. Alarmuese, që Rama ka vënë në shënjestër SPAK.

(Balkanweb)