Policia e Tiranës ka finalizuar me sukses operacionin policor të koduar “Taksisti”, duke ndaluar një taksist 54-vjeçar që shpërndante kokainë në kryeqytet.

Gjatë këtij aksioni, u arrestua shtetasi Ilir Biçi, 54 vjeç, banues në Tiranë, i cili shfrytëzonte profesionin e tij si taksist për të shpërndarë lëndë narkotike të llojit kokainë, të ndarë në doza, në zona të ndryshme të kryeqytetit.

Kapja e taksistit u bë në rrugën “Muhamed Gjollesha”, ku policia ndaloi automjetin dhe ushtroi kontroll. Gjatë kontrollit, u gjetën dhe u sekuestruan 328 doza kokainë, të gatshme për shitje dhe një sasi tjetër lënde e dyshuar narkotike kokainë

Materialet procedurale i janë referuar Prokurorisë, për veprime të mëtejshme ligjore.

Policia e Tiranës bën me dije se goditjet ndaj shpërndarjes së lëndëve narkotike do të vijojnë pa ndërprerje, për të rritur sigurinë dhe për të luftuar fenomenet kriminale në kryeqytet.