Kur imagjinojmë një burger, shumica prej nesh mendojmë për diçka të shpejtë, të shijshme, por jo domosdoshmërisht të veçantë. Nëse mendonit kështu, është koha të ndryshoni perceptimin tuaj. Delibros, një burgeri që e ka kthyer filozofinë e ushqimit të thjeshtë në një art, po ndryshon rrënjësisht skenën gastronomike të Tiranës. Ky nuk është thjesht një vend ku ushqeheni – është një eksperiencë që sfidon çdo paragjykim për burgerat, duke i dhënë përparësi cilësisë së lartë, freskisë dhe ushqimit të shëndetshëm.

Historia e Delibros fillon nga një pasion i pakushtëzuar për ushqimin cilësor dhe një përkushtim për të sjellë diçka të re në tryezën e shqiptarëve. Pas eksperiencës 7-vjeçare si sous chef në Gjermani, kryekuzhinieri dhe themeluesi, Neritan Myftarallari, vendosi të ndërtojë një koncept që të përfaqësonte më të mirën nga të dy botët: teknikat tradicionale të gatimit dhe produktet moderne të cilësisë së lartë.

Në Delibros, çdo gjë nis nga themeli. Bukët e përgatitura vetë, mishi i freskët i viçit që nuk ka parë kurrë frigoriferin, dhe salcat e bëra nga zero – kjo është arsyeja pse çdo kafshatë shijon ndryshe. Dhe sekreti nuk qëndron vetëm te përbërësit, por te mënyra si ata trajtohen. Burgeri ‘Smash’, për shembull, nuk është thjesht një emër në menu. Ai kalon përmes një procesi të kujdesshëm, ku mishi shtypet mbi një plan të nxehtë për të krijuar atë shtresë krokante që vetëm ekspertët dinë ta arrijnë.

Pastrami që po bëhet i famshëm: Një recetë që kërkon ditë pritje, por vlen për një kafshatë
Në një qytet që deri dje nuk e njihte pastramin, Delibros ka krijuar një standard të ri. Pastrami i Delibros përgatitet për ditë të tëra, duke kaluar përmes një procesi tradicional që përfshin kriposje, marinim me erëza të freskëta, tymosje dhe zierje. Rezultati? Një mish i butë, i shijshëm dhe plot aromë që shpërthen në gojë.

Healthy, por pa kompromis tek shija
Njerëzit shpesh mendojnë se ushqimi i shëndetshëm është i mërzitshëm ose pa shije. Por kjo është një tjetër ide që Delibros e ka sfiduar. Çdo përbërës është i freskët dhe i përzgjedhur me kujdes – mishi pa hormone dhe antibiotikë, perimet bio dhe salcat e përgatitura me përbërës natyralë. Dhe mos harroni opsionet vegjetariane, që janë po aq të shijshme sa çdo burger tjetër në menu.

Në një qytet që po përqafon gjithnjë e më shumë konceptin e ushqimit të shëndetshëm, Delibros është në pararojë duke treguar se mund të ushqeheni mirë, të ndiheni mirë dhe njëkohësisht të kënaqni shijen.

Por Delibros nuk ndalet vetëm te ushqimi. Filozofia e tyre është të krijojnë një komunitet që vlerëson cilësinë, përkushtimin dhe eksperiencën. Nga çdo klient që hyn në restorant, deri te çdo porosi e dërguar në shtëpi, përvoja Delibros është një premtim: Ju do të merrni gjithmonë më të mirën.

Në një qytet ku shumë vende fokusohen te sasia dhe shpejtësia, Delibros është një frymë ndryshimi që ka kthyer thelbin e gatimit në qendër të vëmendjes. Të hash një burger te Delibros nuk është thjesht një vakt – është një histori për të treguar, një kujtim për t’u rikthyer. A e keni pyetur veten ndonjëherë se çfarë ndjesie ka një burger i përsosur? Ndoshta është koha të mos pyesni më.

Ejani te Delibros dhe zbuloni përse ky vend nuk është si çdo tjetër në qytet…

(BalkanWeb)