Christina Fulton ka hequr dorë nga padia kundër ish-partnerit të saj, Nicolas Cage, por po vazhdon akuzat kundër djalit të tyre, Weston Coppola Cage. Sipas dokumenteve gjyqësore të cituara nga People, avokati i saj kërkoi që aktori të hiqej nga procesi gjyqësor, i cili e akuzoi atë se e kishte lejuar Weston të ndiqte një rrugë vetëshkatërruese, duke çuar në një incident të rëndë në prill të vitit 2024.
Kriza dyshohet se bëri që 34-vjeçari të sulmonte fizikisht nënën e tij në shtëpinë e saj në Los Angeles. Padia kundër Nicolas Cage është rrëzuar me një urdhër paraprak, që do të thotë se Christina Fulton nuk mund të ngrejë sërish akuza kundër tij në të ardhmen. Megjithatë, 57-vjeçarja vazhdon ndjekjen penale të djalit të saj.
Nicolas Cage, përmes përfaqësuesit të tij ligjor, fillimisht kishte hedhur poshtë akuzat e Christina Felton, duke i përshkruar ato si “absurde dhe të pabaza”. “Weston Coppola është një i rritur 34-vjeçar. z. “Cage nuk e kontrollon sjelljen e tij në asnjë mënyrë dhe nuk është përgjegjës për sulmin e supozuar ndaj nënës së tij”, thuhet në deklaratën e avokatit të aktorit.
Vetë Fulton, duke folur për TMZ, kishte deklaruar se ishte e “shkatërruar” që duhej të merrte masa ligjore ndaj djalit të saj, duke theksuar se ndjente se nuk kishte zgjidhje tjetër. Djali i tyre u arrestua për incidentin në korrik 2024 dhe më vonë u deklarua i pafajshëm për akuzat e sulmit me armë vdekjeprurëse, duke akuzuar nënën e tij se ishte ajo që “kishte nevojë për ndihmë”.
Padia u ngrit gati një vit pasi Weston dyshohet se sulmoi Fulton në ashensor, hollin dhe parkingun e banesës së tij, gjë që i shkaktoi asaj lëndime të rënda dhe kërcënuese për jetën. Christina Fulton pretendon se lëndimet e saj përfshijnë, mavijosje të shumta, një deformim të syrit, trauma dentare, çrregullime të stresit post-traumatik (PTSD) dhe dëmtime psikologjike. “Këto lëndime kërkonin kujdes të gjerë mjekësor, operacione dhe terapi,” thuhet në padi.
Fulton pohon gjithashtu se incidenti dëmtoi karrierën e saj në modë dhe aktrim, pasi ajo po xhironte një serial të Netflix në atë kohë, nga i cili u detyrua të largohej. Ajo gjithashtu nuk ishte në gjendje të merrte pjesë në ngjarje promovuese dhe pësoi një goditje në reputacionin e saj.
Ajo gjithashtu thotë se sulmi e vuri në rrezik markën e saj, “Cyclish”, si dhe një marrëveshje biznesi shumëmilionëshe, për shkak se ajo jeton në frikë dhe nuk është në gjendje të menaxhojë kompaninë e saj.
