Katër persona humbën jetën dhe rreth 100 familje mbetën të pastreha për shkak të rrëshqitjes së dheut në departamentin Narino të Kolumbisë jugore, konfirmuan autoritetet lokale.

“Shirat kanë shkaktuar dëme në disa qytete, por në komunitetin e El Encano, në qytetin e Pastos, ku një rrëshqitje dheu mori jetën e katër personave dhe la dëme serioze”, tha Luis Alfonso Escobar, guvernatori i Narinos në platformën e mediave sociale X.

Rrëshqitja e dheut ka prekur më shumë se 400 familje, duke bërë disa rrugë të pakalueshme dhe duke shkaktuar shembjen e tre ujësjellësve.

Autoritetet po punojnë në pastrimin e rrugëve nga mbeturinat dhe furnizimin me ujë të pijshëm me kamionë cisternë, tha guvernatori.

Në qytetin La Cruz, 100 familje u prekën gjithashtu nga përmbytjet dhe tre ura për këmbësorë u shkatërruan.

“24 qytete kanë kërkuar makineri për të pastruar rrugët dhe për të përballuar rrëshqitjet e dheut,” tha Escobar.

 

(A.A/BalkanWeb)