Një 24 vjeçar është proceduar nga Policia e Lezhës pasi ka  kryer  manovra të rrezikshme, me automjet .

I riu është  ndëshkuar me masë administrative 40 000 lekë dhe do të  procedohet penalisht, për prishje të qetësisë publike.

Materialet procedurale iu referuan Prokurorisë për veprime të mëtejshme.

Njoftim:

Menjëherë pas publikimit të një videoje në portalin “Harta Digjitale e Aksidenteve Rrugore”, në të cilën shfaqet një shtetas duke bërë manovra të rrezikshme, me automjet, në Shëngjin, shërbimet e Policisë Rrugore të Lezhës kryen verifikimet e nevojshme dhe si rezultat i tyre, u identifikua drejtuesi i automjetit tip “BMW” që shfaqet në video, shtetasi E. B., 24 vjeç.

Për shkeljen e kryer, në bazë të nenit 139 të Kodit Rrugor, ai u ndëshkua administrativisht, me 40 000 lekë gjobë. Gjithashtu, për 24-vjeçarin nisi procedimi në gjendje të lirë, për veprën penale “Prishja e qetësisë publike”.

Materialet procedurale iu referuan Prokurorisë së Lezhës, për veprime të mëtejshme.

(BalkanWeb)