Barcelona sfidon Interin në ndeshjen e vlefshme për gjysmëfinalen e kthimit të Champions League. Para këtij takimi, mesfushori i katalanasve, Dani Olmo dha opinionin e tij.

“Është një ndeshje thelbësore, motivimi është maksimal siç është e dukshme për një gjysmëfinale që të dërgon në finale të Champions League”.

“Ka një dëshirë të madhe për të fituar nesër mbrëma. Në ndeshjen e parë luajtëm në kushte të barabarta, kishte situata në të cilat mund të ishim mbrojtur më mirë. Mund të ndodhë dhe ne duhet të jemi gati, synimi ynë është të fitojmë nesër, duke luajtur futboll të mirë.

“Faktori fushë favorizon ata që luajnë në shtëpi, por ne kemi luajtur në fusha si Wanda Metropolitano ose Bernabeu dhe kemi arritur të fitojmë ose të paktën të kualifikohemi. Të luajmë në një stadium si ky na motivon, do të doja ta bënim çdo vit”.