Presidenti ukrainas Volodymyr Zelensky tha se Rusia nisi rreth 300 sulme me dronë dhe rreth 70 sulme me raketa dhe raketa lundrimi në Ukrainë gjatë natës.

Këto shifra do ta bënin këtë sulmin më të keq me dronë që nga fillimi i luftës në vitin 2022. Autoritetet thanë se të paktën 12 persona u vranë në pjesë të ndryshme të vendit dhe dhjetëra të tjerë u plagosën.

Punonjësit e shpëtimit janë në detyrë në më shumë se 30 qytete dhe fshatra ukrainase, tha Zelensky në postimin e tij në X. Fëmijë ka midis të vdekurve, shtoi ai.

Forcat ajrore raportuan 298 sulme me dronë. Numri më i lartë i mëparshëm, i raportuar në median ukrainase, ishte 289 objekte ajrore më 18 maj.

“Çdo sulm i tillë terrorist rus është një arsye e mjaftueshme për sanksione të reja kundër Rusisë. Rusia po e zvarrit këtë luftë dhe vazhdon të vrasë çdo ditë”, tha Zelensky.

“Bota mund të shkojë në një pushim fundjave, por lufta vazhdon, pavarësisht fundjavave dhe ditëve të javës. Kjo nuk mund të injorohet. Heshtja e Amerikës, heshtja e të tjerëve në mbarë botën vetëm sa e inkurajojnë Presidentin rus Vladimir Putin”, shkroi ai.

“Lufta mund të ndalet, por vetëm përmes forcës së nevojshme të presionit mbi Rusinë. Putini duhet të detyrohet të mendojë jo për lëshimin e raketave, por për përfundimin e luftës”, tha Zelensky.

 

(A.A/BalkanWeb