Një shofer është ndëshkuar nga Policia Rrugore e Lezhës pasi kreu një parakalim të rrezikshëm në aksin “Lezhë-Milot”. Ngjarja u bë publike pas shpërndarjes së një videoje në platformën “Harta Digjitale e Aksidenteve Rrugore”, ku shihej automjeti duke rrezikuar përplasjen me një kamion në rrugë të ngushtë.

Menjëherë pas publikimit, shërbimet e policisë ndërhynë për të identifikuar drejtuesin e mjetit. Nga verifikimet rezultoi se bëhej fjalë për shtetasin A. V., banues në Laç. Në bazë të nenit 146 të Kodit Rrugor, ai u gjobit me një masë administrative prej 10 000 lekësh.

Policia Rrugore falënderon qytetarët dhe median për rolin e tyre në denoncimin e shkeljeve.

Njoftimi i policisë:

Lezhë

🚨Kreu parakalim të rrezikshëm në aksin rrugor “Lezhë-Milot”, ndëshkohet me masë administrative drejtuesi i automjetit.

Shërbimet e Policisë Rrugore të Lezhës, pas publikimit të një videoje në faqen “Harta Digjitale e Aksidenteve Rrugore”, në të cilën shfaqej një automjet që kryente parakalim të rrezikshëm në aksin rrugor “Lezhë-Milot”, kanë kryer menjëherë veprimet për identifikimin e drejtuesit të automjetit.

Nga verifikimet, u identifikua drejtuesi dhe pronari i automjetit, shtetasi A. V., banues në Laç. Në zbatim të nenit 146 të Kodit Rrugor, ai u ndëshkua me masë administrative 10 000 lekë, për shkeljen e kryer.

Policia Rrugore e Lezhës falënderon qytetarët dhe median, për kontributin në evidentimin e shkeljeve të rregullave të qarkullimit rrugor, dhe i fton që të vijojnë të denoncojnë, pasi reagimi do të jetë i menjëhershëm, i paanshëm dhe konform ligjit.