Presidenti i Ukrainës, Volodymyr Zelensky, ka reaguar pas deklaratave të kryeministrit të Hungarisë Viktor Orban, duke i përshkruar politikat dhe mesazhet kundër Ukrainës  si “gabim historik”.

Në një intervistë për median hungareze Valasz Online, të publikuar të martën, Zelensky e akuzoi Orbanin se po përdor propagandën kundër Ukrainën me qëllim që të përfitojë në politikën e brendshme.

“Ai po e përdor Ukrainën për qëllimet e tij elektorale”, tha ai. “Ai nuk e kupton se kjo do të ketë pasoja shumë serioze dhe të rrezikshme. Duke mos na ndihmuar ne, ai po i bën një favor [presidentit rus, Vladimir Putin.

Prandaj unë them se Viktori është duke bërë një gabim serioz dhe historik”.

Orban po zhvillon një fushatë përmes vendosjes së pankartave me mesazhe kundër ndihmës për Ukrainën dhe po kundërshton anëtarësimin e Kievit në Bashkimin Evropian.

Mesazhi kryesor i fushatës është se ndihma për Ukrainën do ta tërhiqte Hungarinë në luftë dhe do të dëmtonte ekonominë e shtetit.

Në disa pankarta është vendosur edhe portreti i Zelenskyt.

“Si mund ta përdorë ai fytyrën time për zgjedhjet e tij? Unë nuk i kam dhënë leje për një gjë të tillë”, tha Zelensky.

(BalkanWeb)