Mediat austriake kanë publikuar fotot e para të 21-vjeçarit Arthur A., i cili vrau 10 persona (nëntë nxënës dhe një mësues) përpara se të kryente vetëvrasje gjatë sulmit të tij në një shkollë në Graz të Austrisë.
Në njërën prej tyre ai shfaqet si adoleshent, ndërsa në një tjetër mban në krahë një mace të vogël.
Ndërkohë, autoritetet austriake po e trajtojnë sulmin nga 21-vjeçari, i cili jetonte me nënën e tij beqare, e cila është austriake, në Kalsdorf pranë Gracit. Babai i tij është armen.
Sipas informacioneve nga Kronen, në shënimin e vetëvrasjes të gjetur në dhomën e tij , i riu dyshohet se përshkroi se kishte dështuar në mësime dhe po kërkonte të fajësonte dikë .
Nga ana e saj, Kurier raporton se ai kishte qëndruar në të njëjtën klasë disa herë . Në një video lamtumire që ai e regjistroi në telefonin e tij celular dhe ia dërgoi nënës së tij pak para sulmit, ai i kërkon asaj ta falë “për atë që do të bëj tani” .
Ai gjithashtu falënderon nënën e tij për kujdesin që mori prej saj. Autoritetet, siç raportohet nga mediat në Austri, thonë se nëna e autorit të krimit e hapi videon 24 minuta pasi e mori atë, kur sulmi kishte ndodhur tashmë dhe djali i saj i kishte dhënë fund jetës së tij.
Ai la gjithashtu një letër ku akuzonte shkollën për ngacmim dhe u kërkonte atyre të kujdeseshin për macen e tij, me të cilën ai pozon.
Mediat austriake raportojnë se Arthur A. kishte leje për armë, por jo leje për armë zjarri . Në Austri, blerja e një pushke është e ligjshme për ata mbi 18 vjeç, ndërsa blerja e një revolveri kërkon një vlerësim psikiatrik.
21-vjeçari hapi zjarr me një pistoletë dhe një pushkë në dy klasa dhe zona të tjera të shkollës. Një pajisje shpërthyese u gjet gjithashtu në shtëpinë e tij, por nuk ishte funksionale.
Viktimat, gjithsej gjashtë vajza dhe tre djem, ishin kryesisht midis 15 dhe 17 vjeç, ndërsa njëri ishte 14 vjeç. Një mësues 59-vjeçar gjithashtu ra i vdekur nga plumbat e autorit.
(BalkanWeb)
