Po i ndjekim me vëmendje raportet e fundit nga Teherani, por për momentin mund t’ju sjellim disa lajme nga një takim i Këshillit të Sigurimit të OKB-së që po zhvillohet në Nju Jork. Takimi u kërkua më parë nga Irani pas sulmeve ajrore të Izraelit.

Përfaqësuesi i Iranit, Amir-Saeid Iravani, thotë se sulmet “barbare dhe kriminale” kishin në shënjestër objektet bërthamore, infrastrukturën civile dhe zonat e banimit në Iran.

Deri më tani, 78 persona janë vrarë dhe më shumë se 320 janë plagosur – “shumica dërrmuese” e tyre janë civilë, shton ai.

Iravani thotë se vrasjet “e qëllimshme dhe sistematike” ishin një “shfaqje e frikshme e agresionit të llogaritur”.

Ai shton se SHBA-të janë “bashkëpunëtore” pasi kanë ofruar “ndihmë dhe asistencë” për krimet.

“Nuk do ta harrojmë që njerëzit tanë humbën jetën si pasojë e sulmeve izraelite me armë amerikane”, thotë ai.

Ai i kërkon Këshillit të Sigurimit të dënojë veprimin e Izraelit dhe ta mbajë atë përgjegjës.