SHBA-ja dhe Mbretëria e Bashkuar njoftuan të hënën nënshkrimin e një marrëveshjeje të re tregtare që Presidenti Donald Trump e cilësoi si “të drejtë” për të dy vendet.

Trump tha se marrëveshja do të “prodhojë shumë vende pune, shumë të ardhura dhe do të ketë shumë, shumë të tjera që do të vijnë”, ndërsa vlerësoi më tej marrëdhënien e tij personale me kryeministrin e Mbretërisë së Bashkuar, Keir Stamer.

Stamer tha se marrëveshja ka të bëjë me tarifat e makinave dhe hapësirën ajrore, duke e cilësuar atë si “shumë të rëndësishme” dhe duke thënë se është “zbatuar”.

“Kjo është një ditë shumë e mirë për të dy vendet tona, një moment vërtet historik, kështu që faleminderit përsëri, Donald, një ditë vërtet e rëndësishme për të dy ne”, tha Stamer pas takimit me Trump në margjinat e samitit të G7 në Kanada.

Detajet shtesë mbi marrëveshjen nuk ishin menjëherë të disponueshme.