Ministri i jashtëm i Iranit Abbas Araghchi ka nisur sot bisedimet në Gjenevë me homologët nga Franca, Gjermania, Britania e Madhe, së bashku me kryediplomaten e BE.

Përpara takimit, Sekretari i Jashtëm i Britanisë, David Lammy, tha se “ekziston një dritare” për t’i dhënë fund krizës në rritje në Lindjen e Mesme, një referencë ndaj njoftimit të Presidentit të SHBA-së Donald Trump se do të lejonte dy javë diplomacisë përpara se të vendoste nëse do të niste një sulm të SHBA-së ndaj Iranit.

Ky është takimi i parë i konfirmuar ballë për ballë midis zyrtarëve perëndimorë dhe iranianë që nga fillimi i konfliktit, por shanset për një përparim të shpejtë duken të pakta.