“BUSINESS Online” foli me ekspertë për të zbuluar nëse Daku vlen shumë para dhe çfarë synon Rubin sezonin e ardhshëm.
RINAT BILYALETDINOV, ISH-TRAJNER I RUBINIT
“Daku dhe Shabanhanjaj janë forcë goditëse. Gjëja kryesore është që Mirlindi të mos e humbasë motivimin pas dështimit të transferimit te Zeniti. Nëse Mirlindi e ruan shpirtin e tij, atëherë do të jetë një forcë shtesë për ekipin. Nëse mërzitet ose diçka nuk funksionon, atëherë kjo zvogëlon potencialin e tij.
Nëse do të ofronin një çmim të mirë, ata (Rubini) mund ta shesin. Tani gjëja kryesore është që Mirlindi të ketë stabilitet, të mos luajë me shpërthime dhe të dëshmojë nivelin e tij çdo herë. Kjo nuk është e lehtë. Nëse kjo nuk funksionon ose Zoti na ruajt, të lëndohet, atëherë ai do të jetë një mall i shtrenjtë.
Pagë e lartë? Mund ta kujtoni situatën te CSKA-ja. E di nga burime të besueshme se Evgeni Giner nuk lejoi, që Karvajo të merrte më shumë se Igor Akinfev ose Sergei Ignasheviç. Ose mund të japim shembullin e kundërt. Kur pati një konflikt te Zeniti për shkak të Igor Denisovit, pasi mbërriti Hulk. Është e vështirë të parashikohet se si do të zhvillohet situata në këtë pikë”.
VALERI NEPOMNJASHÇIJ – ISH-TRAJNER I TOM DHE KAMERUNIT
“Një vendim shumë i saktë. Daku është një lojtar që do të thotë shumë për Rubinin. Mendoj se ai është një nga sulmuesit tanë më të mirë. Pra, një vendim i arsyeshëm dhe i drejtë. Sipas mendimit tim, Daku është shumë i lumtur te Rubini. Sulmuesit kanë ditë të mira dhe të këqija.
Në fund të fundit, ata janë “artistë” dhe askush nuk e di se si do të jetë sezoni i ardhshëm për ta. Së pari, ata janë një figurë e varur dhe së dyti, ata kanë nevojë për frymëzim, guxim. Dhe për më tepër, kundërshtarët e tyre i kanë studiuar dhe dinë si të përgatiten për ta”.
BORIS IGNATJEV – ISH-TRAJNERI I EKIPIT KOMBËTAR RUS
“Nuk kam frikë të përdor fjalë të mëdha, por Daku është një nga lojtarët më të mirë të futbollit, në kampionatin tonë. Ai spikat, jo vetëm për aftësitë e tij individuale, por edhe për faktin se nuk është i turpshëm dhe di si t’i zbatojë ato në praktikë, si të marrë pikë, si të shënojë gola. Një mjeshtër. Sa më gjatë të qëndrojë në futbollin tonë, aq më interesante do të jenë ndeshjet. Kordoba ka një pagë të ngjashme te Krasnodari.
Dhe këta janë futbollistë të një niveli të krahasueshëm. Tani futbollistët janë mësuar të vlerësojnë lojën e tyre dhe të shohin pagën e tyre, dhe jo se si mund të krahasohen me dikë, madje edhe nga skuadra e tyre. Të gjithë e kuptojnë se janë shumë para, por të gjithë e dinë gjithashtu se duhet të stërvitesh, të përgatitesh mirë dhe mund të marrësh një pagë të mirë.
Rubini është një ekip që e ka treguar veten nën drejtimin e Kurban Berdjev dhe ata duan të jenë më lart, veçanërisht pasi është një “republikë futbolli”, ku duan të shohin lojtarë të mirë. Tani klubi duhet të sigurojë lojtarë të mirë për Dakun dhe pastaj rezultatet do të përmirësohen”.
