Një shpërthim me lëndë plasëse është regjistruar në orët e para të mëngjesit të sotëm në Rrugën e Durrësit, në Tiranë.
Sipas informacioneve paraprake nga policia, rreth orës 03:45, dyshohet se një sasi e vogël eksplozivi është vendosur pranë derës hyrëse të një lokali në pronësi të shtetasit A. S.
Fatmirësisht, shpërthimi nuk ka shkaktuar të lënduar, por janë regjistruar dëme materiale në ambientet e lokalit.
Në vendngjarje ndodhet grupi hetimor, i cili po punon për identifikimin dhe kapjen e autorëve, si dhe për zbardhjen e plotë të rrethanave të ngjarjes. Policia po analizon kamerat e sigurisë dhe po merr dëshmitë përkatëse.
Njoftimi i policisë:
Rreth orës 03:45, në Rrugën e Durrësit, në një lokal në pronësi të shtetasit A. S. dyshohet se ka plasur një sasi e vogël lënde plasëse, e vendosur pranë derës hyrëse të lokalit.
Si pasojë janë shkaktuar vetëm dëme materiale. Nuk ka persona të lënduar.
Grupi hetimor po vijon punën për identifikimin dhe kapjen e autorit/autorëve, si dhe për zbardhjen e plotë të rrethanave të ngjarjes.
(BalkanWeb)
