Zyra e kryeministrit izraelit njoftoi se Benjamin Netanyahu është helmuar nga ushqimi i kontaminuar dhe do të punojë nga shtëpia për tri ditët e ardhshme me këshillën mjekësore. Gazetat izraelite raportojnë këtë pasi doli lajmi se kryeministri kishte munguar në mbledhjen e rregullt javore të kabinetit këtë mëngjes.
Udhëheqësi 75-vjeçar u sëmur në shtëpinë e tij mbrëmë dhe u ekzaminua menjëherë. Gjendja e tij u deklarua e mirë pas analizave të mëtejshme, tha zyra e tij, duke shtuar se ai po merr lëngje intravenoze për shkak të dehidratimit.
“Sipas udhëzimeve të mjekëve, kryeministri do të pushojë në shtëpi për tri ditët e ardhshme dhe do të menaxhojë punët shtetërore që andej”, tha zyra e tij.
Udhëheqësi izraelit dihet se vuan nga disa sëmundje: në vitin 2003 atij iu implantua një stimulues kardiak dhe dhjetorin e kaluar iu hoq prostate, pasi u diagnostikua me një infeksion të traktit urinar. Ai ka trajtuar edhe një hernie në të kaluarën.
(BalkanWeb)
