Shkrimtarja shqiptare Ledia Xhoga është bërë pjesë e listës së gjatë të pretendentëve për Çmimin e madh të letërsisë, Booker Prize 2025 me romanin e saj “Misinterpretation”.
Ledia Xhoga është shkrimtarja shqiptare e dytë që nominohet për Booker Prize pas Ismail Kadaresë që e ka fituar çmimin, në vitin e themelimin e tij në 2005, dhe është nominuar po ashtu edhe dy herë të tjera në 2017-n dhe në 2024-n.
Fituesi i këtij viti për Booker Prize do të njoftohet më datë 10 nëntor 2025.
Çfarë përmban romani i saj “Misiinterpretation”:
“Misinterpretation”(Keqperkthimi) është një roman debutues nga Ledia Xhoga që eksploron kompleksitetet e identitetit, kujtesës dhe kufijve të dhembshurisë përmes historisë së një përkthyeseje shqiptare në New York City.
Në roman, protagonistja, një përkthyese shqiptare, pranon me ngurrim të ndihmojë Alfredin, një të mbijetuar torture nga Kosova, gjatë seancave të tij të terapisë. Ndërsa ajo kryen rolin e saj, ajo ngatërrohet në kujtimet traumatike të Alfredit, të cilat ngacmojnë të kaluarën e saj të varrosur. Kjo lidhje e çon atë të marrë vendime impulsive, duke përfshirë një përpjekje për të ndihmuar një poet kurd, gjë që rezulton në një seri takimesh të pamatura që rrezikojnë martesën dhe shëndetin e saj mendor. Narrativa shpaloset ndërsa ajo bën një udhëtim spontan në Shqipëri për t’u rilidhur me nënën e saj, duke e detyruar të përballet me kontrastet e forta midis jetës së saj në SHBA dhe rrënjëve të saj në Shqipëri.
(Balkanweb)
