Presidenti Donald Trump ka deklaruar nga bordi i avionit presidencial se nuk po përpiqet t’i japë fund luftës në Ukrainë, përfshirë takimin me Presidentin rus Vladimir Putin në Alaska, për të përmirësuar jetën e tij.

“Nuk po e bëj këtë për veten time. Në rregull, nuk kam nevojë për të”, u tha ai gazetarëve në bordin e Air Force One, ndërsa po shkonte në Anchorage për në samit. “Do të doja të përqendrohesha te vendi ynë, por po e bëj këtë për të shpëtuar shumë jetë”, u shpreh Trump.

Ai tha se pasojat për Rusinë nëse Putini nuk pranon t’i japë fund luftës do të jenë ndëshkuese.

“Po, do të jetë shumë e rëndë”, tha ai për masat e mundshme ekonomike ndaj Moskës.