Udhëheqësit evropianë, përfshirë Sir Keir Starmer, kanë lëshuar një deklaratë të përbashkët pas vlerësimit të takimit të Donald Trump me Vladimir Putin mbrëmë.

Udhëheqësit thanë se “mirëpritën përpjekjet e Presidentit Trump për të ndaluar vrasjet në Ukrainë, për t’i dhënë fund luftës së agresionit të Rusisë dhe për të arritur paqe të drejtë dhe të qëndrueshme”.

Ata thanë se hapi tjetër duhet të jenë bisedime të mëtejshme midis Trump dhe Putin, të cilat përfshinin edhe presidentin ukrainas Zelensky.

Ata thanë se ishin “të gatshëm të punonin” me Trumpin dhe Zelenskyn për të mundësuar takimin trepalësh.

Deklarata shtoi se Ukraina duhet të ketë “garanci të forta sigurie” për të mbrojtur veten dhe se “nuk duhet të vendosen kufizime mbi forcat e armatosura të Ukrainës”.

Deklarata u firmos nga Presidentja e Komisionit Evropian Ursula von der Leyen, Presidenti i Këshillit Evropian Antonio Costa, Presidenti francez Emmanuel Macron, Kryeministri italian Giogia Meloni, Kancelari gjerman Friedrich Merz, Kryeministri britanik Keir Starmer, Presidenti finlandez Alexander Stubb dhe Kryeministri polak Donald Tusk.