Rusia ka ndërmarrë një nga sulmet ajrore më të mëdha ndaj Ukrainës në javët e fundit, duke lëshuar 574 dronë dhe 40 raketa brenda një nate, sipas autoriteteve ukrainase. Një person humbi jetën në qytetin perëndimor të Lvivit, ndërsa 15 të tjerë u plagosën në Transkarpati, pranë kufirit me Hungarinë dhe Sllovakinë.

Forcat ajrore të Ukrainës raportuan se 577 mjete ajrore u rrëzuan, ndërkohë që pjesa tjetër shkaktoi dëme të konsiderueshme në infrastrukturën civile dhe industriale.

Ministri i Jashtëm ukrainas, Andrii Sybiha, e cilësoi sulmin si një dëshmi dramatike të nevojës urgjente për të ndalur luftën, duke shtuar se raketat e përdorura përfshinin armë hipersonike, balistike dhe lundruese.