Një avion luftarak i Malajzisë është përfshirë nga flakët pas ngritjes nga pista të enjten në shtetin Pahang.

Videot që qarkullojnë në mediat sociale tregojnë se avioni përfshihet nga flakët menjëherë pasi ngrihet nga pista, raporton KosovaPress.

Forcat Ajrore Mbretërore të Malajzisë kanë konfirmuar se një incident që përfshin një nga avionët e tyre luftarakë F/A-18D Hornet ndodhi në orën 21:05 sipas orës lokale (13:05 GMT) të enjten në Aeroportin Sultan Ahmad Shah në Kuantan, sipas gazetës lokale Star, duke cituar një deklaratë.

“Po ndërmarrim veprime të menjëhershme dhe do të përditësojmë mbi zhvillimet e fundit”, tha forca ajrore.

(BalkanWeb)