Dy punonjës të bashkisë së Londrës janë vënë në pranga në akuzën e korrupsionit, pasi morën para për dhënien e banesave sociale.

Policia thotë se ka nisur hetimin ndaj oficerëve të korruptuar të strehimit të cilët kanë shpërndarë qindra shtëpi përmes marrëveshjeve mashtruese në lagjet Barking dhe Dagenham në lindje të Londrës .

Zyrtarët besojnë se shtëpitë ndonjëherë jepeshin me nënqira nga bashkëpunëtorë të zyrtarëve të strehimit.

Hetuesit gjithashtu besojnë se ka pasur reklama të hapura në mediat sociale që u ofronin qiramarrësve të mundshëm një mënyrë për të shmangur radhën.

Policia tha: “Si pjesë e këtij procesi, qiramarrësit e mundshëm u paguan mashtruesve ‘tarifat e gjetësit’ dhe frynë qiratë.

“Disa qira iu paguan pjesërisht Këshillit të Qytetit të Londrës, Barking Dagenham, dhe disa jo.”

Ekipi i këshillit kundër korrupsionit po ndihmon në hetim dhe thotë se ky hetim vjen pas muajsh të mbledhjes së inteligjencës.

Kryetari i këshillit, Dominic Twomey, tha se “çdo ditë, ekipi ynë i mashtrimit është prapa skenave, duke hetuar çdo gjë, nga shqetësimet për korrupsion deri te nënqiradhënia e paligjshme.

(BalkanWeb)