Ambasadori i Mbretërisë së Vendeve të Ulëta në Shqipëri, Reinout VOS, ka mbledhur në një mëngjes sot krerët e institucioneve të drejtësisë.
Në tryezë kanë marrë pjesë konkretisht, Inspektorin e Lartë të Drejtësisë Artur Metani, kreun e Këshillit të Lartë Gjyqësor Ilir Rusi dhe kryetaren e Këshillit të Lartë të Prokurorisë Mirela Bogdani.
Gjithashtu, bashkë me ta tryezës i janë bashkuar edhe ambasadori i delegacionit të Bashkimit Evropian në Shqipëri, Silvio Gonzato, e ngarkuara me punë e Ambasadës së SHBA, Nancy VanHorn, ambasadori i Italisë Marco Alberti, ambasadorja e Austrisë Monika Zach, si dhe diplomatë të ambasadës së Francës dhe të Gjermanisë në Shqipëri.
Ambasadori holandez Vos ka postuar një foto nga takimi në rrjetin X, duke zbuluar edhe përmbajtjen e diskutimeve mes krerëve të drejtësisë dhe diplomatëve të pranishëm.
“Ne organizuam një mëngjes pune me institucionet e drejtësisë në Shqipëri (ILD, KLP KLGj) dhe partnerët diplomatikë. Roli i institucioneve të pavarura është thelbësor për avancimin e integrimit në BE, përmes zbatimit të reformave, garantimit të pavarësisë dhe forcimit të llogaridhënies”, shkruan ambasadori Vos.
We hosted a working breakfast with Albanian justice institutions (HIJ, HJC, and HPC) & diplomatic partners. The role of the independent institutions is crucial for advancing EU integration through the implementation of reforms, ensuring independence and upholding accountability. pic.twitter.com/QuE2q1bSX5
— ReinoutVos (@ReinoutVos) September 9, 2025
(BalkanWeb)
