Princi Harry ka mbërritur në Clarence House për të takuar Mbretin Charles.

Do të jetë takimi i tyre i parë pas më shumë se një viti.

Herën e fundit që ata u panë me njëri-tjetrin ishte në shkurt të vitit 2024, kur Duka i Sussex fluturoi për në Londër pasi monarku njoftoi se po i nënshtrohej trajtimit për kancerin.

Harry , 40 vjeç, ndodhet aktualisht në Mbretërinë e Bashkuar dhe më herët të mërkurën ai vizitoi Qendrën për Studime të Lëndimeve nga Shpërthimet në Imperial College London, një institucion me të cilin ai ka lidhje të ngushta.

Duka ka kryer një sërë aktivitetesh që kur u kthye në Britani të hënën.

Ai e filloi qëndrimin e tij katër-ditor të punës duke lënë lule në vendin e prehjes së fundit të gjyshes së tij, Mbretëreshës Elizabeth II, për të shënuar përvjetorin e tretë të vdekjes së saj.

Mbreti Charles, 76 vjeç, është kthyer nga shtëpia e tij në Balmoral, ku ka kaluar pushimet verore.