Zëvendëspresidenti amerikan JD Vance ka folur në ceremoninë përkujtimore të Charlie Kirk. Vance, i cili kishte një lidhje të ngushtë me Charlie Kirk, i dha meritë mikut të tij të ndjerë për fitoret politike të republikanëve vitet e fundit.

“E gjithë administrata jonë është këtu, por jo vetëm sepse e donim Charlie-n si mik — edhe pse e donim — por sepse e dimë që nuk do të ishim këtu pa të,” tha ai. “Charlie ndërtoi një organizatë që ndryshoi ekuilibrin e politikës sonë.”

“Vrasësi i lig që na mori Charlien priste që ne të kishim një funeral sot dhe, në vend të kësaj, miqtë e mi, kemi pasur një ringjallje dhe festim për Charlie Kirk dhe Zotit Jezu Krisht.”

Martesa dhe familja janë thirrja më e lartë dhe Charlie Kirk ua solli këtë mesazh të rinjve, thotë Vance.

“Çdo prind do të ishte krenar ta kishte atë si bir,” thotë ai.

Ai e quan atë një “udhëheqës të madh amerikan” dhe “e gjithë administrata është këtu” sepse “ne e dimë se nuk do të ishim këtu pa të”.

“Charlie ndërtoi një organizatë që riformësoi ekuilibrin e politikës sonë”, vijoi ai.

Vance tha se Kirk do t’i inkurajonte të gjithë të jenë të sinqertë se “e keqja ecën midis nesh” dhe ta “adresojnë atë drejtpërdrejt si sëmundjen që është”.

“Por unë gjithashtu mendoj se ai do të na inkurajonte të përqendroheshim te e mira. Ai do të na inkurajonte të kujtonim se për çdo zë të urryer që feston vrasjen e tij, ka mijëra njerëz që e vajtojnë atë dhe luftojnë për trashëgiminë e tij”, ka thënë Vance, shkruan Skynews.