Europarlamentarja Tanja Fajon bëri të ditur se shtyhet votimi për liberalizimin e vizave për Kosovën.

“Është shtyrë votimi për udhëtim të lirë pa viza për Kosovën për shtator. Votimi, në masë të madhe, varet nga ratifikimi i marrëveshjes kufitare me Malin e Zi”,- ka shkruar eurodeputetja, Tanja Fajon, në një postim në rrjetin ‘Twitter’.

Aktualisht, nuk është e qartë se kur do të mund të ratifikohet Marrëveshja për demarkacionin e vijës kufitare me Malin e Zi, në Kuvendin e Kosovës, pasi ajo kundërshtohet nga partitë opozitare.

Po ashtu, kundër kësaj marrëveshjeje janë shprehur edhe disa anëtarë të Kuvendit të Kosovës nga partitë e koalicionit qeverisës, LDK dhe PDK.
(er.nu/BalkanWeb)