Katër persona rezultojnë të zhdukur dhe të paktën dhjetë të tjerë u plagosën në Madrid të Spanjës , të martën, kur një ndërtesë u shemb pjesërisht gjatë punimeve ndërtimore.

Sipas autoriteteve lokale, incidenti ndodhi pranë Plaza Mayor, një shesh qendror në kryeqytetin spanjoll.

Vendndodhja u rrethua dhe ndërtesat fqinje u evakuuan, ndërsa u vendosën edhe dronë.

Shërbimet e urgjencës thanë se të plagosurit ishin punëtorë ndërtimi, njëri prej të cilëve po trajtohej në spital për një frakturë në këmbë.

Zjarrfikësit thanë se “disa kate” të ndërtesës pesëkatëshe u shembën nga brenda, pasi asnjë rrënoja nuk u derdh në rrugë.

“Punëtorët na thanë se kolegët ende mungojnë”, tha zëdhënësja e shërbimeve të emergjencës Beatriz Martin.

“Ende nuk e dimë nëse ata po punonin brenda ndërtesës në kohën e shembjes. Mund të jetë që një ose dy prej tyre të kenë qenë diku tjetër në atë moment.”

Dëshmitarë dhe kalimtarë të rastit raportuan se dëgjuan një shpërthim të madh dhe panë tym të dendur.

“Tingëllonte si një bombë”, tha një punonjës në një furrë buke aty pranë për transmetuesin spanjoll RTVE.

«Papritmas nuk mundeshe më asgjë», shtoi një barist vendas.