Kina ka deklaruar se është e gatshme të përballet deri në fund në një luftë tregtare me Shtetet e Bashkuara, pas kërcënimit të presidentit amerikan Donald Trump për vendosjen e tarifave shtesë deri në 100% mbi mallrat kineze.

Masa e paralajmëruar vjen si reagim ndaj vendimit të fundit të Pekinit për kufizimin e eksporteve të metaleve të rralla – komponentë strategjikë në teknologjinë moderne dhe mbrojtjen.

Një zëdhënës i Ministrisë kineze të Tregtisë u shpreh: Lidhur me çështjen e tarifave dhe luftërave tregtare, qëndrimi i Kinës mbetet i qëndrueshëm. Nëse doni të luftoni, ne do të luftojmë deri në fund; nëse doni të negocioni, dera jonë mbetet e hapur.