Edhe pse nuk është periudhë merkatoje, te Milani po mendojnë për lëvizjet e mundshme. Drejtori sportiv i kuqezinjve, Igli Tare, u ndal te kjo temë, në një intervistë të dhënë së fundmi.

“Dëmtimet e gjashtë lojtarëve gjatë ndeshjeve të përfaqësueseve ishin sigurisht të paparashikueshme. Duhet të jemi të sigurt se kemi një skuadër të fortë. Në dhjetor, do të diskutojmë të ardhmen e afërt me trajnerin”.

Çfarë duhet të bëjë Gimenez për të shmangur tregun e transferimeve?

“Qetësia është pjesë e udhëtimit të çdo sulmuesi. E di për çfarë bëhet fjalë, kam luajtur në pozicionin e tij. Ai ka besimin e shokëve të ekipit dhe të klubit. Gjithmonë ka shënuar me dopio shifra dhe bën një punë të shkëlqyer për ekipin, kjo është arsyeja pse është këtu”.