Sekretari amerikan i Shtetit, Marco Rubio, hyn në sallë së bashku me bashkëpunëtorin më të afërt të Zelenskyt, Andriy Yermak.

Rubio thekson se bisedimet do të vijojnë edhe pas disa orëve.

“Kemi pasur ndoshta takimin më produktiv dhe më domethënës deri tani në gjithë këtë proces,” thotë ai.

Rubio thekson se tani kanë një “produkt” të ndërtuar mbi “kontributin e të gjitha palëve të përfshira” dhe se kanë bërë “progres të mirë” duke shqyrtuar pikën pas pike atë që përmban.

Ata po analizojnë “disa nga sugjerimet që na u bënë” dhe po bëjnë disa “ndryshime” e përshtatje për t’u afruar më shumë drejt diçkaje me të cilën si Ukraina, ashtu edhe SHBA-ja të ndihen rehat, shpjegon ai.

Ai shton se ekziston edhe pala ruse në këtë ekuacion, por besojnë se kanë disa “njohuri mjaft të rëndësishme” mbi atë që është e rëndësishme për ta.
“Ka ende punë për të bërë,” përfundon Rubio.