Kryeministri britanik Keir Starmer do të paraqesë të hënën një projektligj të ri për reformimin e sistemit të pensioneve, pasi deputetët e partisë së tij bllokuan përpjekjet për reforma gjatë verës së kaluar, raportoi AFP.

Pjesë të fjalimit të Starmer janë publikuar paraprakisht dhe vijnë pas buxhetit të javës së kaluar, i cili përfshiu rritje taksash për të financuar masat që synojnë lehtësimin e krizës së kostos së jetesës. Buxheti është kritikuar ashpër nga mediat britanike, të cilat e portretizuan si një “bastisje” të re fiskale ndaj taksapaguesve.

Në fjalimin e tij, Starmer pritet të mbrojë politikat ekonomike të qeverisë dhe të rikthejë fokusin te reforma e sigurimeve shoqërore. “Duhet të përballemi me realitetin: shteti ynë i mirëqenies po i bllokon njerëzit, jo vetëm në varfëri, por edhe në papunësi”, do të argumentojë kryeministri.

Qeveria synon të investojë në programe trajnimi për të rinjtë, por njëkohësisht, sipas Starmer, “duhet të reformojmë vetë shtetin e mirëqenies” për ta bërë atë më efikas dhe më të përshtatur me nevojat aktuale të vendit.