Pritet që kryeministri izraelit Benjamin Netanyahu ta vizitojë Uashingtonin në periudhën 28–31 dhjetor, ku do të takohet me presidentin amerikan Donald Trump.
Zyra e Kryeministrit njoftoi të martën se Trump e ka ftuar Netanyahun në një takim në Shtëpinë e Bardhë, që do të jetë vizita e tij e pestë që prej marrjes së detyrës nga Trump në janar.
Takimi pritet të fokusohet në një marrëveshje të re të sigurisë mes Izraelit dhe Sirisë, si dhe në koordinimin për zbatimin e planit të paqes për Gazën të propozuar nga Trump.
Krahët ushtarakë të Hamasit, Brigadat al-Kassam, njoftuan se sot në orën 17:00 do t’i dorëzojnë Izraelit trupin e një pengu të vrarë, pasi ai u gjet në pjesën veriore të Rripit të Gazës gjatë një operacioni kërkimi të kryer në bashkëpunim me Brigadat al-Quds të Xhihadit Islamik Palestinez.
Më herët, Hamasi kishte bërë të ditur se Brigadat al-Quds dhe al-Kassam kishin gjetur mbetje njerëzore që besohet se i përkasin një pengu të vrarë në Beit Lahia, në veri të Gazës. Rrjeti i lajmeve Quds News raportoi gjithashtu se ka publikuar një foto ku persona të maskuar shihen duke mbajtur një thes me trupin e viktimës.
